2014 北海道16天初秋自駕遊 - Day 5.6 知床ランタン

計劃行程時，看到台灣blogger推介呢間民宿
知床ランタン (民宿篇二)，
見佢個view真係唔錯，對住無敵大海景，
價錢又唔貴，就訂佢啦。

1泊2日(朝・夕食付き) 海側８帖 (サンデッキ付) 8,640円。
全間民宿共有12間房，海景8帖房有3間，
2人一律都是每位8,640円，
見201房有小陽台付，當然揀呢間房。

上一篇提到我地中午到民宿check-in，

跟住遊知床，所以民宿相多數是第二天早上拍的。

入面頗新淨，好有家的感覺。
呢到Check in係由一位老婆婆負責，
佢唔識英文，但都好有心機同我地講夕食
同朝食的時間。

周圍都有小擺設

連埋我倆有3組客人，

一個單身女仕，住210號4.5帖房。

另一組係6個香港人，住了另一邊的3間6帖房。

估唔到係呢度會遇到香港人，

但呢組客同昨日船長の家果組真係差天共地。
話說我地放好行李後擺底左鎖匙，
之後遊完五湖返回民宿，
係前枱見唔到老婆婆，
當時這組港客應該是剛剛才check in完，
準備攞行李上房，
他們很主動地幫我找老婆婆。
上到樓上，因我找不到共用洗手間的燈掣，
他們還幫我開燈。
最好的是，食完晚餐後，
他們一家人就坐樓下小客廳輕聲閒談，
完全冇影响其他人。
夕食時跟他們都有交談，
知道他們是跟我們同一天到北海道，
今天剛遊完摩周來知床，
明日就遊網走，跟我們行程剛好調轉。

小客廰隔離就是食堂

外面有大平台，可以欣賞海景，

黃昏更可以看日落。

食堂門口有個好似是航海的指南針

在樓上望落去見到前枱，

門口個牌寫左滿室，不過係前面睇係未滿室。

仲有按摩椅，當然係有料啦，

不過一面按摩，一面睇風景都唔錯喎。

這邊是6間6帖房間，

左邊最前兩間是男女洗手間。

民宿有浴場在地下，

浴場頗細，幸好客人唔多。

我地間房在另一邊走廊尾，

間房兩面都有窗，很光猛同開揚，

最唔鍾意酒店房太暗，

一個人時會周身唔自然，

呢間就感覺非常良好。
整個旅程中，以這間房的景觀最好。

向海一面右邊有落地大玻璃，
左邊門出小陽台。
玻璃反光是因為相片是晚上回民宿時拍攝的。

第二朝5點幾起身，走出陽台時拍的，
見到天色都唔錯，點知開車上到知床峠就......

去完知床峠回來都未夠鐘食早餐，
出外面逛下影下相。

有隻帆船吊左係度

我地間房就在二樓，下面是食堂

地下原來仲有房間, 可能係民宿主人自住的。

 

對住個大海，一望無際。

仲有幾隻海鷗係海邊同露台欄杆上。

食完早餐，回房執行李，臨走前再影多兩張相先。

~ ~ ~ Index ~ ~ ~

上一篇 : Day 5.5 - カムイワッカ湯の滝

下一篇 : Day 5.7 - 知床の宿ランタン (夕食與朝食)