2014 北海道16天初秋自駕遊 - Day 7.8 道の駅厚岸グルメパーク、岸壁炉ばた、幣舞橋

原本計劃行程時，

安排去道の駅厚岸グルメパーク食燒蠔。

但後來發現原來今日是休日，

曾經嘗試改行程，將明天部份行程對調，

但這樣調動後，明天行程便會是釧路-根室-厚岸-帶廣。

淨計行車時間已經接近8個鐘，

太趕了，要司機揸咁長時間車太辛苦了，

無奈要放棄厚岸。

雖然冇蠔食，但始終會經過呢過厚岸，

駛上嚟道駅望下休息下都好啦。

未夠六點個天已經黑齊喇

周圍黑麻麻，去完洗手間就走人。

去到釧路，先去酒店check in，

然後就步行去釧路フィッシャーマンズワーフMOO

嚟呢度唔係行商場，而係去MOO外面嘅岸壁炉ばた

今晚都幾熱鬧，一入到去已經聽到廣東話。

搵好位之後就去揀野食，

呢度要先購食物券，1set1000円，

500同200円各一張，100同50円各兩張。

睇啱就俾張券佢，因為唔知可唔可以再散買食券，

所以我地計足2000円嘅食物。

2000円可以買到幾多食物呢？

我地買咗一隻魷魚、一條粟米、三隻蠔、

兩串雞肉、一隻蝦及一串茄子。

睇落話貴唔貴，但亦唔平，

但話晒係釧路名物，點都要試一次。

蠔好肥美，所以encore多一隻

蝦唔新鮮，好唔掂 →_→

其實唔係全自助嘅，

會有人過嚟幫手睇住啲食物。

魷魚燒好佢地會幫你放落錫紙度剪開，

咁就容易食好多。

食完野就沿岸邊行過去幣舞橋

幣舞橋係北海道三大名橋之一，

其餘兩條橋喺札幌「豊平橋」同旭川「旭橋」。

幣舞橋最出名係橋上彫刻「四季の像」，

分別出自4位彫刻家之手。

上到橋第一個見到嘅像就係「春の像」

再行過啲係「夏の像」，

紮起辮仔，好有活力喎

另外兩個像喺馬路對面，

「秋の像」，呢個好似肥咗啲喎。

「冬の像」，呢個就窈窕得多

影完四個像再影埋釧路川，

就行返去北大通。

前面右邊果間就係La Vista

La Vista出面有個足湯，又浸下腳先。

浸完腳又沿著北大通行去釧路駅

入去蓋返個印先，下次有機會先嚟坐火車。

夜晚嘅釧路駅好靜，

原來釧路旺區係北大通隔幾條街嘅末広歡樂街，

剛才都有經過，見到燈光火猛，好多食店。

出嚟食飯前，喺酒店洗落咗衫，

要快啲返去乾衫，同埋早啲休息，

因為明天有好多行程，仲要揸夜車。

明早第一站係 ―― 釧路濕原

~ ~ ~ Index ~ ~ ~

上一篇 : Day 7.7 納沙布岬灯台

下一篇 : Day 7.9 コンフォートホテル釧路