原本行程冇計劃去和琴半島，
不過見有時間，距離又只是十分鐘內，
所以決定兜過去看看。
和琴半島都喺屈斜路湖畔，亦都有露天溫泉，
但呢個就開揚得多，所以冇人浸。
入面有個野營場，我地行左一陣，
決定係呢度對著個湖食午餐。
昨晚喺知床民宿將剩餘嘅蟹拆開起肉，
變成是日午餐蟹肉沙律。
掛住食都冇乜點影相。
食飽午餐離開和琴半島，
駛到半路中途，見到有架車停咗埋路邊，
原來有彩虹，我地又停車落去影埋一份。
見到個天清左好多，諗住之後行程應該好啲，點知……
下一個目的地係神秘的摩周湖。
由國道243轉入道道52之後，
天氣就變差了，去到摩周湖第一展望台停車場時，
眼前完全係白茫茫一片，咁仲入唔入去好呢？
反正喺硫磺山已付停車場費
(當時唔知張收據喺兩日有效)，
既然嚟到就入去睇下。
結果神秘的摩周湖，真係神秘地消失了，
連少少湖水都睇唔到 -_-#
原本睇完第一展望台就去第三展望台，
咁嘅天氣都唔使去啦，唯有提早去下一站。
途中經過道の駅摩周温泉 (mapcode 462 849 695)，
呢個道駅都幾出名，入去參觀下先。
裡面放咗幾幅畫
有野賣，不過冇入去睇
外面有足湯，不過今日玩過唔再浸了。
休息完起程入阿寒湖，
入阿寒途中仲有兩個景點，
就係雙岳台同埋雙湖台。
但轉上山路後，霧愈來愈濃，
視野只有幾米遠，行車都要非常小心。
兩個景點都會跟摩周湖一樣地消失，
只好直接駛去阿寒湖。
~ ~ ~ Index ~ ~ ~
上一篇 : Day 6.3 屈斜路湖砂湯、コタン温泉
下一篇 : Day 6.5 愛奴村、阿寒湖
一心諗住係到睇雙岳台同雙湖台
回覆刪除點知....跟摩周湖一樣地消失了
當時真係好失望，好彩第二朝天氣好返啲，都睇得返^_^
刪除期待中~~~~
刪除寫埋鶴雅就到喇～
刪除寫得咁快, 跟唔切你D腳步喎, 我仲係知床, 有排到未到砂湯, 哈哈 :P
刪除我都係快你一日咁多 :)
刪除和琴半島上次去到結晒冰 , 個露天溫泉又係有人浸緊 . 唯有睇天鵝 . ^^
回覆刪除黎你呢度睇番都唔錯 . Wow ~ 果張彩虹相個天藍到好似卡通片咁 , 勁 !!
摩周湖最終有冇翻兜 ? 我都未睇過 . =_= !!
呢度都有天鵝？點解我一隻都見唔到，唔通呢度d天鵝冬天先浦頭 ＞__＜
刪除個藍天留咗係度冇跟著我地走 -_-#
第二日專登再兜去摩周湖，終於都睇得到^_^
Check 過D資料 , 要到冬季果陣 , D天鵝先至會蒲頭架 . ^^
刪除期待呢個神秘的摩周湖 , Yeah !!
天鵝同丹頂鶴都要冬天先見到，咁要冬天走番轉道東，但又驚落雪揸車 -_-#
刪除