2014 北海道16天初秋自駕遊 - Day 7.2 双湖台、双岳台

食完早餐上房執行李，之後就Check out結帳。

昨午到達時將車交低俾人代泊，都唔知會泊喺邊。

喺前枱攞返車匙，仲以為會幫我地駛返架車過嚟，

點知原來係要坐Shuttle去山上面停車場。

停車場都幾遠，係露天停車場，安唔安全架。

啲車唔止泊係同一個停車場，

到咗第一個停車場，司機叫咗部份客人落車，

等佢地認返自己架車後就繼續去第二個停車場。

終於攞返架車，就開始今日行程。

今朝會先去阿寒湖畔展望台，

跟著GPS行駛，但就搵極都搵唔到，
GPS顯示就喺呢條路附近，
但兜來兜去都唔見有路口。

唯有放棄駛返落去，
但途中見到有個唔知乜野展望台既路牌，

咁就跟住指示方向駛上去。

呢度應該係滑雪場，

返嚟search過係阿寒湖畔スキー場，
而阿寒湖畔展望台就係呢度，
唔通我搵錯mapcode，

呢度可以望到阿寒湖同阿寒岳，
未到冬季，滑雪場未開，
再上去嘅路都封咗。

因為唔可以再往上走，所以只睇到少少湖，
不過風景都好美。

影完相就正式離開阿寒，今日行程係去根室，

要走回頭路，所以一定會經過双湖台同双岳台。

昨午天氣唔好去唔到，今朝天氣唔錯，

當然要補番數啦。

呢度係阿寒湖巴士中心

沿著阿寒横斷道路駛十幾分鐘
就見到双湖台觀景台嘅路牌
(mapcode 739 414 358)，
跟住駛上斜路好快就到了。

跟據資料話距離阿寒湖溫泉街約15公里，
可以看見樹海中兩個神秘的湖泊 ─
ペンケトウ(上の湖)同パンケトウ(下の湖)。

但從双湖台上，
只可以看到一個好似菱形的ペンケトウ，
パンケトウ應該被樹海遮住咗。
咁點解又叫双湖台呀?

個湖清到好似面鏡，連少少漣漪都冇

影多張又要趕下場

攪掂双湖就輪到双岳，
駛返出大路轉幾個彎就到，
双岳台原來係阿寒橫斷道路的最高點。
双岳係指阿寒の夫婦岳 ─
雄阿寒岳同雌阿寒岳
(mapcode 739 446 329)

雄阿寒岳一眼就見到，

雌阿寒岳喺後面就冇咁清楚。

終於還咗心願，又要繼續行程 ─

找尋消失的摩周湖

~ ~ ~ Index ~ ~ ~

上一篇 : Day 7.1 あかん遊久の里鶴雅-朝食

下一篇 : Day 7.3 摩周湖