今個旅程除了是破記錄地多雨外，還有發生了一件我從未遇上的事。以前我每年只會去一次日本，自2014年才開始每年超過一次日遊，2016年更去了5次日本。而今次都只是今年的第二次，卻在過海關時被問為何經常到日本，來日本的目的是甚麼？
話說當日清晨到達羽田，排隊入境都非常順利。攞完行李過海關時，當我遞上兩本護照後，關員先檢查大小姐的BNO。她的BNO是今年才續期的，都已經有3次日遊記錄。之後到檢查我的特區護照，他左揭右揭後，就問了以上兩個問題。當時我有些愕然，來不及反應，大小姐便用日文代答我們只是來觀光。之後他再問我們會去甚麼地方遊玩，大小姐答他是去長野。他便笑著說長野還未有紅葉啊！接著便遞回兩本護照。
曾經在討論區見過有人會被問有沒有帶黃金，亦有人會被要求打開行李箱。而我這個還稱不上是日遊活躍分子，卻被問為何經常到日本，不知道其他網友又有沒有被問以上這些問題呢？
下個月會短遊日本，如再被問這問題，我會答“因為日本太吸引了” 哈哈！
舊年試過一人旅，過海關時都預咗可能會被人問，當海關人員知我係一個人時，然後再睇我個 passport 見到好多日本入境記錄，我話來日本 shopping，之後就叫我走了
回覆刪除其實過海關好多時都循例被問去做乜，我次次都係答去觀光。係未試過被人話我經常去日本，我本護照都係得十幾個入境記錄之嘛，邊算多呀XD
刪除我試過在成田早上入境，關員問我去那裡，我回答北海道，關員只看看戶照及沒有打開行李就放行，前後過關的旅客全部要打開行李睇架，可能知我趕飛機啦^_^
回覆刪除我都試過同阿女去鹿兒島，又係個個都要開行李，但到我哋時，阿女同關員講日本，傾咗幾句就放行XD
刪除經常被問去邊，照答佢就無問題。佢哋想練習英文呀!你同佢講日文又或者唔明佢哋講乜英文，佢哋會好down架!
回覆刪除行李我就每次都扮主動開俾佢查，十次有九次唔check。
我通常都係大行李，唔會主動擺上枱面，只會畀本護照佢睇。
刪除