2014 北海道16天初秋自駕遊 Day 4.2 オホーツク流冰館

第一次到網走，重點係去能取湖同

今晚住嘅船長の家。

計劃行程時定咗兩個方案，

如果天氣好就Plan A，即係遲些去能取湖，

到黃昏時去能取岬睇日落。

天氣唔好就Plan B，去咗能取湖先，

再去室內嘅オホーツク流冰館。

今日個天都待我不薄，當然係行Plan A啦。

オホーツク流冰館

(mapcode 305 584 757; tel 0152-43-5951)
展望台無料，流氷体験室入館料金540yen

明年8月會有新天都山展望台，

咁舊果間會唔會拆掉呢？

入到去第一時間上頂層展望台

360度景觀，一望無際

前面係網走市，

對出個海係オホーツク海，即係鄂霍次克海。

另一邊望到兩個湖，

前面係網走湖，後面係能取湖。

除咗湖仲有山，

個牌寫咗三個岳，左邊斜里岳，

中間摩周岳，右邊藻琴山，

不過太多雲睇唔清楚。

欣賞完風景就落返樓下，係二樓見到呢個展示館，

入去睇下先，睇睇下有個職員行埋嚟問我地有冇飛。

我仲以為係入流氷体験室才要買飛，

於是立即去售票處買飛。

入流氷体験室時職員會每人派一條毛巾，

拎住條毛巾係咁轉，轉咗一陣條毛巾已經硬晒。

入面都幾凍，我地著咗件薄羽絨都頂唔到幾耐，

玩咗一陣就出返去。

体験室出口係另一個展示館

睇介紹寫住唔知乜乜不思議。

喺玻璃缸入面有條唔知是否魚嘅生物。

另一個玻璃缸都有兩條

流氷の天使

最後去咗一間播放室，睇咗套片叫オホーツク物語。

套片係講大自然之惠同埋網走之四季，

不過我就對網走冬季最有興趣，因為有破冰船睇。

喺流冰館玩咗一個鐘左右，跟住就去網走駅搵地方食午餐。

停咗架車喺駅前，網走東橫Inn喺正駅前，

如果唔係住船長の家就會住呢間東橫Inn。

個車站冇人，可能未有火車到站啦

呢個位睇blog經常都睇到，今次輪到我影喇

參觀完網走駅去咗附近嘅すき家食午餐，

食飽已經兩點幾要起程去下一站─能取湖。

~ ~ ~ Index ~ ~ ~

上一篇 : Day 4.1 道の駅おんねゆ温泉、網走湖

下一篇 : Day 4.3 能取湖珊瑚草群