今年復活節4天假期又選擇了到國內旅行。今次報了一個高鐵加動車團，從香港西九出發。雖然是坐8:51的班次，但因是長假期的第一天，領隊通知要提早到7點集合。
往香港高鐵站最方便快捷是乘西鐵到柯士甸站，再經連絡出口去西九龍站。
站內指示清晰，而且只要跟著人群走就不會走錯路。
站內已經是人頭湧湧
找到團體集合點跟領隊報到。領隊派發車票、講解過關流程及指示了過關後的集合位置後，我們便去買點早餐(過關後沒有食店)。
今天出發的高鐵票大部分售罄
嘩！好墟撼呀！不過我們都只是用了20分鐘便過了香港海關。
出境後乘電梯往下層進入過境限制區
暫別香港
限制區內有小量店舖
打咭位
在復活節高峯期過關時間比想像中快，整個一地兩檢都只是用了36分鐘便完成。我們還有一個鐘的早餐時間呢！不過要找一個空座位都有些困難！
候車區竟然有冷熱水供應
夠鐘入閘了，還要再落一層才到月台。我們乘坐的復興號已停在月台了，長長的高鐵有16卡，我們沒有時間跑去拍攝車頭。
座位很闊，比乘飛機舒適得多
車廂前有行李架可放少量行李，放滿了就要放上頭頂的行李架。放上架的行李不可過闊，車務員會檢查架上行李。
香港高鐵不設無座票，站著的只是團友。
餐卡提供款式不多的食品或飲品
車上亦有熱水供應，可以自攜杯麵
香港段全程在地底，14分鐘後到達深圳福田站。如果住西九龍一帶，去福田真的很快。這班車會停福田、深圳北、虎門，終點站廣州南。全程1小時4分鐘。
轉眼已到達廣州南站，我們的目的地不是廣州，還要轉動車，有個多小時的轉車時間，可讓我們去拍攝車頭相。至於今次旅行的目的地就要下回分解了。
復興號
▼ 靈渠
車廂內寧靜舒適嗎？座位有無摺疊枱面(類似飛機座位嗰類)?
回覆刪除乘客交談少不免，不過唔算嘈，可能係喺香港出發，冇國內出發嘅高鐵/動車咁嘈。座位闊都舒適，有摺疊枱面，仲唔會好似飛機咁頂住，我哋仲全程都放張枱面落嚟放手機睇片。
刪除早於2010年我已在大陸坐過高鐵，當時由廣州南站去韶關，高鐵列車大致都係購買日本及歐洲技術然後在中國大陸生產，所以外內設計部份會似日本新幹線及歐洲高速火車，一定比坐飛機舒服
刪除我第一次坐高鐵都係2010年，由廣州南去長沙。我都覺得好似坐緊新幹線，又快又舒服。不過大陸高鐵有企位，呢陸客會挨住人哋個座位企，就唔係太好。
刪除其實日本新幹線自由席都可以企，不過D人通常會企响兩卡之間位置，我試過有次由上野去輕井沢因為指定席滿哂，自由席又無位，最後企到去輕井沢，足足企咗一個鐘，腳都軟
刪除呀..高鐵係無自由席，所以唔應該有企位先啱
刪除我就試過由上野去輕井沢既新幹線全滿，我哋坐指定席，前一卡就係自由席，有班外國人坐晒喺我個卡車廂通道地下。
刪除香港高鐵係全車指定席，但國內高鐵有無座席，即係企位。
我估我在香港坐高鐵直接返大陸好微，我住新界東，坐港鐵到羅湖再坐深圳搭高鐵方便過去西九搭。
回覆刪除另外，而家在大陸消費，多唔多店舖收現金架?
我住新界西都係上深圳坐高鐵方便D。
刪除我而家上大陸消費多數用支付寶或微信，好多時都有折扣優惠。店舖都仲會收現金。
我仲未有支付寶或微信，所以要問下店舖仲收唔收現金囉。
刪除我今次去廣西反而用現金比較多。
刪除